Холандски цариници заплениле стотина отровни тарантули откриени во багажот на патниците кои со авион стигнале од Перу во Амстердам.

„Царината на аеродромот во Шипхол пронајде 200 живи тарантули и бројни други инсекти, вклучувајќи и бубашваби, скакулци и стоногалки“, соопшти царинската служба.

Инсектите ги собирал еден германски пар и ги ставил во пластични кутии и туби скриени меѓу облеката и обувките. Некои од тарантулите му припаѓаат на вид кој и е слабо познат на науката.

Инсектите се предадени на холандската служба за заштита на животни поради понатамошна истрага, а против германските државјани ќе биде подигната кривична пријава.

„Меѓу животните кои најчесто се шверцуваат се морските коњчиња“, рекле холандските известувачи, кои и самите биле изненадени од бројот на пронајдени пајаци.