Двајца чувари во еден затвор во Американската Самои се осомничени дека ги пуштале затворениците да одат до блиската продавница да купат пиво и храна.

Полицајците Фити Аин и Роки Туа оваа недела се обвинети дека им помагале на затворениците да побегнат.

Полицијата додека во јули ги пребарувала ќелиите на казнено-поправниот завод во Американската Самои пронашле пиво во ќелијата на еден од затворениците.

Од полицијата е соопштено дека е утврдено дека чуварите ги праќале затворениците во блиската продавница по пиво. Еден од затворениците кој е пуштен, служи казна од 40 месеци за напад на еден човек со мачета.

Судските документи покажуваат дека затвореникот им рекол на иследниците дека купувал пиво за друг затвореник и чипс и колачи за Туа.