Иако подготовката на оброк дома е поефтина варијанта од одење во ресторан, купувањето на намирници може многу лесно да излезе од контрола...

Проверете ја листата на намирници од рецептот
Строго ограничете се на листата на потребни намирници затоа што во спротивно ќе се случи да посегнете по нешто што всушност и не ви треба.

Горни и долни полици
Ако сакате да поминете поефтино, проверете што се наоѓа на долните полици во продавницата. Имено, големите имиња скапо плаќаат за нивните производи да бидат рамно во очите на купувачите. Помалите компании тоа не можат да си го дозволат, но затоа ни нудат поповолни цени.

Купување на големо и мало
Купувањето на големо ќе ви ја намали потребата за оние помалите купувања. Речиси половина од купувачите во маркетите одат 3-4 пати неделно, а таквите брзи одења по намирници завршуваат со 54% купени работи повеќе отколку што е планирано.

Поединечна цена
Повеќето купувачи претпоставуваат, дека големите пакувања се со поповлна цена, но неодамнешно истражување покажало дека пакувањето на туна, кечап, кафе и сок од портокал всушност изнесува повеќе отколку во помали пакувања.