Ќелавите мажи се повлијателни и помоќни од останатите, покажува американско истражување...

Мажите со гола глава се исто така повисоки, посилни и со поголем лидерски потенцијал, утврдил истражувачот Алберт Манс. Професорот на Универзитетот во Пенсилванија, кој исто така е ќелав, имал три експерименти за да разбере како мажите, бричејќи ја косата се посочуваат од околните.

"Бев изненаден дека претставите за доминација и машкост дојдоа до конкретни физички карактеристики како висина и сила", изјави истражувачот пред сајтот Time.com. Во првиот експеримент околу 60 учесници беа замолени да разгледаат серија на фотографии на мажи со слична возраст и облека, но со различни количини коса на главата.

По споредувањето на резултатите се покажало дека ќелавите мажи се наоѓале на врвот на рангирањето за тоа колку моќно, влијателно и авторитетно изгледаат. При второто истражување секој маж бил прикажан двапати - со коса и без коса, која била отстранета дигитално. Ќелавите биле оценети не само како подоминантни, но и како повисоки за околу 2,5 см и посилни за 13%.

Во последниот експеримент учесниците добиле толкувачки описи, па и во тој случај ќелавите мажи добиле највисока оценка за машкост. Но, Манс предупреди дека иако ќелавите мажи се на врвот на листата за маженственост, оние со густа коса се доживуваат како попривлечни.