Една Американка ги лажела роднините и пријателите дека има рак на бешиката, па така доаѓала до пари, храна па дури и ја „исфинансирала“ сопствената венавка.

Лори Стили, стара 40 години која живеела во Њу Џерси, обвинета е за кражба со измама.

Како што наведуваат официјалните извештаи, Стили во февруари 2011 година им рекла на своите блиски дека има рак, а таа информација ја поставила и на Фејсбук.

Во април кажала дека состојбата и се влошила.

Роднините и пријателите за Стили собрале повеќе од 10.000 длари, затоа што им кажала дека нема здравствено осигурување.

Дури и ја платиле и свадбата и и ја организирале.

Меѓутоа, станале сомнежливи во ноември минатата година кога Стили напишала на Фејсбук дека се чувствува подобро и дека верува дека и се случува чудо.

Државниот обвинител Роберт Бернарди ја оценил оваа измама како „икслучително сурова“.

Меѓутоа, адвокатот на Лори Стили рекол дека властите уште немаат никакви докази дека неговата клиентка направила нешто погрешно.

Стили е пуштена на слобода откако платила кауција од 25.000 долари.