Полицаец се избламирал барајќи засилување поради појава на „мистериозна светлина“.

Неименуван полицаец од Ворчестершир бил во патрола во близина на шумата на Клент Хилс кога видел „мистериозна светлина“ која му делувала сомнително.

Движејќи се тивко меѓу дрвјата, се приближувал кон „светлосната топка“ и повикал засилување, сомневајќи се дека станува збор за којзнае каква криминална активност.

„Истражувам некаква светлина, изгледа многу сомнително и доаѓа од другата страна на ридот. Можеби ќе ми требаат уште неколку храбри луѓе“, му кажал тој на својот надзорник.

Блесавиот полицаец се јавил во станицата по дваесетина минути и признал дека всушност ја „открил“ Месечината, која светела во полн сјај, но била скриена зад ридото од неговиот поглед.

Овој необичен случај е објавен и во официјалниот весник на британската полиција.