Гугл спаѓа во најпосакуваните компании за работа, а судејќи по прашањата на тестот за нови кандидати за работа тешко се доаѓа до тоа работно место...

Вилијам Паундстон е автор на книгата "Дали сте доволно паметни да работите во Гугл?" во која ги објаснува сите задачи кои Гугл ги поставува пред своите потенцијални работници.

Така, меѓу останатите прашања на тестот се наоѓаат и следниве:

Зошто капаците на шахтите се кружни? Колку тоалетна хартија е потребно да се прикрие целиот Тексас? Намалени сте во големина на пара и ставени сте во миксер кој ќе почне да работи за 60 секунди. Што ќе направите? Колку би наплатиле за миење на сите прозори во Сјетл? Колку правосмукалки се прават годишно?

Осмислете план за евакуација за Сан Франциско. Кој број е следен во низата: 10, 9, 60, 90, 70, 66? Каде се плива побрзо во вода или во сируп? Колку пати во денот се преклопуваат стрелките на часовникот? Мажот го истуркал својот автомобил до хотелот и го изгубил целото свое богатство. Што се случило?

За сега компанијата Гугл нема коментар на оваа книга и задачите кои се опишани во неа, но еден од поранешните вработени во компанијата тврди дека не е вистина дека пред кандидатите за работа се поставуваат такви проблеми.