Женка пекинезер си посвоила залутано маче во Минесота и го третира како вистинска мајка...

Пет Вебер од Џордан, Минесота на локалниот печат му кажала дека нејзиниот вкук во амбарот пронашол маче отфрлено од мајка си. Го донел дома, а бабата утврдила дека не е долго ни осум сантиметри, дека му е ладно и дека едвај е живо.

Кога го стоплила со ќебе и почнала да го гали, тоа слабо мјаукало, а на тој звук дотрчала нејзината женка пекинезер.

„Мојата Митенс веднаш почна да скока и да беснее, а кога го спуштив мачето на софата му се доближи и почна да го лиже и да го гали. Веднаш легна покрај него, заедно се наместија удобно, и одеднаш мачето почна да цица“, рекла Вебер.

Таа вели дека е уште поголемо чудо тоа што Митенс во тој момент немала млади, но нејзиниот мајчински инстинкт проработил и по неколку дена и дошло млеко.

Митенс го дои мачето, а еве и снимка од оваа необично мало „семејство“.