Американската компанија Tesla Motors Inc. претстави соларни станици кои значително ќе го забрзат процесот на полнење на електричните возила и ќе им овозможат на сопствениците на тие возила да одат на подолги патувања...

Извршниот директор на компанијата Елон Маск изјавил на конференцијата за новинарите, дека станиците се поставени на шест места на автопатот во Калифорнија.

Користењето на станиците, кои се направени и инсталирани во тајност, за сега е бесплатно и достапно само на вработените во таа компанија, но во почетокот на октомври ќе им бидат достапни на сите.

Маск кажал дека иновацијата претставува одговор на три големи проблеми кои спречуваа поширока употреба на електрични возила, меѓу кои е и прашањето за долги удобри патувања во такви автомобили.

Автомобилот Tesla S Sedan на станиците ќе може да се наполни целосно за околу еден час, додека за околу пола час полнење автомобилот може да помине 240 километри.

Планирано е до крајот на годината да бидат исталирани уште станици во Калифорнија и делови од Невада и Орегон, а дека во рок од две години се планира да биде покриена целата територија на САД.

Компанијата првиот модел на електричен автомобил за широка потрошувачка го претстави во јуни, а цената на основниот модел е 49.900 долари.