Вработените во едно прифатилиште за животни во Тексас на сите начини се обидуваат да пронајдат некој кој би ја вдомил мачката тешка 42 килограми...
Мачката на шега е наречена Слабичка, а службата за животни ја пронашла и ја довела во станица. Поради својата "големина" ветеринарите одлучиле дека мачката мора да помине некое време кај нив и дека мора да биде на диета.
"Со мачките треба да се биде внимателен, затоа што кај нив, како и кај сите останати суштества, доколку наеднаш изгубат неколку килограми, може да дојде до бројни проблеми", велат ветеринарите.
"Мачката ќе остане овде додека не ја добие нормалната тежина", изјавиле ветеринарите и додале дека "луѓето треба да водат сметка и да не ги здебелуваат своите домашни миленици".
