Што им треба мајстор - сите жители на град во Зимбабве повлекле вода во ист момент за да ја отпушат канализацијата...

Булавајо, вториот по големина град во Зимбабве, се соочил со проблем на запушена канализација по повеќедневни рестрикции на вода.

Градската општина организирала необична акција на отпушување - наместо да пратат мајстори и професионалци за отпушување длабоко во цевката под градот, сите жители на градот повлекле вода во тоалетот во исто време.

„Акцијата“ е одржана во сабота точно во седум и пол по локално време, и успешно ги отпушила канализационите одводи.

Цевите во градот биле исушени и затрупани затоа што неколку дена имало суша, па градот се одлучил на оваа необична акција во очи на сезоната на дождови, која почнува во ноември.

Во план е синхронизираното повлекување на вода да биде одржувано секоја недела во исто време.