Постојат разни учења кои објаснуваат кога е поволно нешто да се прави или не. Погледнете кој ден за што е погоден...

Понеделник
Не треба да започнувате ништо важно, затоа што тој ден за Месечината се верува дека е многу променлива. Поволно е во понеделник да постат сите лице кои во наталната карта се наоѓаат под лоши аспекти на Месечината.

Вторник
Ден за сите рутински обврски кои се однапред направени или договорени и кои не бараат посебна ментална активност. Со овој ден владее Марс.

Среда
Најдобар ден за кореспонденција, маркетинг активности, состаноци, преговори и кратки патувања. Тоа е ден со кој владее Меркур и се смета дека е добар за дружење и забава. Потпишувањето на документи одложете го за четврток.

Четврток
Со овој ден владее Јупитер, голем добротвор. На тој ден договарајте важни работи, склучувајте договори, занимавајте се со финансиски трансакции или секаков вид на учење. Најдобар ден за контакти со странство и долгорочно планирање.

Петок
Ден на Венера и вистински момент да се посветите на партнерот, децата и семејството. Одличен за сите подготовки за викенд, одмор, масажа, забава, релаксација, шопинг.

Сабота
Сатурн владее со шестиот ден од неделата и тоа е ден кога треба своите дух и сила да им ги дарувате на другите. Помогнете им на болните, загрозените, посетете ја баба ви или дедо ви, нахранете ги гладните, посетете црква, гробишта. Пожелно овој ден да постат сите они кои имаат тешки аспекти од Сатурн во својот натален хороскоп. Исто така, добро е дел од денот да го поминете во тишина, чистење, душевна работа.

Недела
Ден на Сонцето. Идеален за активен одмор, семејството и плановите за новата недела.