Многу луѓе кога се фотографираат за лични документи често излегуваат неприродно, непрепознатливо, а во најголем број случаи, смешно. Токму тоа е случај и со едно канадско бебе чија фотографија од пасошот во многу кратко време го преплави интернет и освои многу луѓе...
Фотографијата прикажува 5-месечно бебе кое изгледа како да "испило малку повеќе". Гордиот татко веднаш откако била изработена ја објавил на страната Reddit, а во само неколку дена ја погледнале 525 илјади луѓе.
"Ни требаа фотографии за пасошите, затоа што можеби наскоро ќе се селиме од Канада во Јужна Америка. Не можев ни да замислам дека мојот син ќе излезе така. Воодушевен сум, морав тоа да го споделам со другите", нагласил таткото.
