Меѓу најчудните записи во Гинисовата книга на рекорди во 2013 година, сигурно е и оној за двојникот на Попај, Мустафа Исмаил. Имено, обемот на неговите бицепси изнесува завидни 64 сантиметри...
Овде е и Арчи, најмалиот бик на светот, чија висна е 76,2 сантиметри. Рајан Левериј го купил Арчи кога имал само пет месеци, но да беше поголем можеби неговата судбина ќе беше нешто поразлична. "Кога го купивме Арчи, тој беше наменет за вкусно говетско месо, но кога дојде тоа време видовме дека тој воопшто не е пораснат. Подоцна ни "легна" на срце па одлучивме да го задржиме. Може да се каже дека неговата висинa му го спаси животот", нагласил Рајан.
Освен Попај и Арчи, во 57-то издание на канигата на рекорди своето место го пронајдоа и најголемото куче на светот, најтешкиот спортист, најстариот гимнастичар, човекот со наjвисока "мохиканка" чија должина е преку еден метар.
Објавена на 22 јазика во повеќе од 100 земји, Гинисовата книга е една од најпродаваните и се очекува дека нејзиното ново издание ќе биде продадено во 2,7 милиони примероци.
