Авторите на моливот Sprout наместо гума за бришење ставиле капсула во која има семe. Капсулата се активира на влага, па затоа не е баш паметно моливот да го ставате во уста...

Единствен недостаток на моливите е тоа што кога ќе се истрошат остануваат парчиња кои и не се баш корисни. Но, тимот од Kickstarter со проектот Sprout осмислиле молив кој може да го ставите во саксија и да гледате као расте. Наместо гума за бришење, овој молив има капсула во која се наоѓа семе од босилок, домати, пиперка и друг зеленчук и билки.

На проектот му преостанале уште седум дена до финализирањето, а веќе успеале да ја надминат сумата од 25.000 долари за да можат да го започнат производството.

Авторите на генијалниот молив веќе планираат да стават разни семиња од цветови кои ќе се наоѓаат во капсулата.