Кога нареден пат ќе си го удрите палецот може да испробате некој од методите за ослободување од болка кои ги препорачуваат научниците. Иако советот кој вели дека е потребно да зјапате во болното место звучи како рецепт од баба, сепак тој доаѓа од универзитет во Лондон...

Експериментот спроведен на универзитетот во Лондон за чија цел група на луѓе накратко биле изложени на болни ласерски зраци, докажал дека зјапањето во болното место може да го намали чувството на болка и непријатност.

Сличен експеримент бил изведен и со искривено огледало кој дал интересни резултати кои докажале дека доколку лицето гледа во огледало кое го намалува одразот, се намалува и чувството на болк, а она огледало кое ја зголемува сликата воедно ја зголемува и болката.

Научниците тврдат дека интензитетот на чувството на болка го намалува и набљудувањето на убави уметнички дела и мирисање на пријатни мириси.

Поради привлекување на внимание како ефективни аналгетици се препорачуваат и видео игрите со спортска или натпреварувачка содржина, додека сладокусците својот сојузник против болката го пронаѓаат во слатките со лимон.