Некој обожавател ви подарил букет цвеќе? Или пак имате празник и колегите одлучиле да ве израдуваат со свежа убавина?...

Чувајте го изгледот и мирисот на овој подарок што е можно подолго! Инструкциите кои ќе ви ги прикажеме се доволно едноставни за спроведување.

1.Користете топла вода. Свежото цвеќе е најдобро да се става во вазна со вода со собна температура. Ладната вода потешко се апсорбира од стеблата.

2.Користете специјализирани конзерванси. Создадени се за продолжување на животот на сечените цвеќиња и се продаваат во продавниците за цвеќе. Доволно е да ги додадете во водата. Ако сепак немате ништо такво при рака, можете да си направите сами конзерванс. Ви требаат само две состојки - оцет и шеќер. Шеќерот подхранува, а оцет го спречува размножувањето на бактериите. За еден литар вода се потребни само неколку капки оцет и малку шеќер. Промешајте добро!

3.Варикина. Неа, исто така можете да ја користите како антибактериски елемент, бидејќи ќе го прекине размножувањето на бактериите. За еден литар вода ви треба само четвртина лажичка варикина, а цвеќињата ќе останат свежи и убави многу подолго.

4.Редовно менувајте ја водата. На секои неколку дена - стеблата испуштаат елементи за создавање на бактерии и мувла.

5.Сечете ги стеблата под агол. Така полесно ја апсорбираат водата.

6.Цвеќињата не треба да бидат на тесно. Премногу големото количество цвеќиња во една вазна може да ги уништи. Тие треба да дишат, да стојат слободно во вазна, покрај секој цвет треба да циркулира воздух.

7.Берете ги цвеќињата наутро или навечер. Ако гледате цвеќиња во својот дворот или вила берењето треба да се случува во точно одредено време - или рано наутро или доцна навечер. Никогаш не сечете цвеќиња за време на попладневните високи температури - таквиот букет нема да издржи долго.