Според најновата студија, вегетаријаците се почесто самци, а статистиката покажува дека нивниот број во Америка не се променил во последните 10 години и изнесува 5% од вкупниот број на жители...

Овој факт укажува на тоа дека вегетаријанството и понатаму е необичен начин на живот, чија популарност ниту расте ниту опаѓа. Од сите анкетирани особи, вкупно 2% се сметаат за вегани, односно лица кои не јадат никаква храна од животинско потекло. Како вегетаријаци најчесто се декларираат жените за разлика од мажите. Од сите анкетирани жени 7% изјавиле дека се вегетаријанки, а од сите анкетирани мажи само 4% се вегетаријанци.

Најмногу вегетаријанци има во старосната група од 50 и повеќе години, а што се однесува до образованието, повеќе вегетаријанци има во групата која завршила само средно училиште, отколку во групата која завршила високо образование.