Подготовките за летните месеци полека привршуваат, па затоа сега полека но сигурно почнавме да размислуваме за есента...

Почнавме да бараме идеи и инспирација за ентериер, кои ќе не разведрат во темните месеци кои не очекуваат. Наидовме на дом во Финска, декориран од италијанскиот архитект Маурицио Џованони.

Првичниот план на станот, кој опфаќа површина од околу 65 квадратни метри, претрпел значителни промени, како што е отстранување на неколку ѕидови. Ова и овозможува на природната светлина лесно да минува низ целиот простор на домот. Според авторот, главната цел на овој проект е светлосниот флукс да учествува во создавањето на релаксирачка средина. Откако внел доволно светлина за сопствениците на станот, архитектот се свртел кон ентериер во боја, мешавина од неколку култури.

Дрвото, составен дел од финската култура, е основен елемент во осветлената и динамична внатрешност. Бунтот на боите, случувањата на белите ѕидови на станот, потсетува на сончевиот италијански темперамент и се обидува да ги отфрли негативните мисли и лошото расположение, што секако би ги зафатило станарите на ова живеалиште со првиот тмурен ден не есента.

Ако сеуште не сте подготвени да ги турнете ѕидовите дома или пак сметате дека станот е доволно светол, можете да го разбранувате ентериерот со неколку елементи во боја - обоени столчиња, маса или пак некои интересни слики.