Ако сакате да се почувствувате како птица во гнездо, која се наоѓа на врвот на огромно дрво, можете да го направите тоа во Нант (Франција), каде што на еден од горните катови на облакодерот Tour de Bretagne се наоѓа необичниот бар Le Nid...

Тој е дизајниран и оформен во "птичји" стил.
Во него пијалоците се сипат на бар, оформен како крилја на птица, а долг птичји врат ја дели просторијата на два дела. Посетителите, пак, седат во столиц кои личат на варени јајца. Висината на која е свиткано удобното гнездо, е 144 метри, речиси на ниво на летот на птиците. Погледот од терасата кој ја обиколува зградата навистина го одзема здивот.

Како симбол и инспирација им послужил огромниот белоснежен штрк, кој е со должина од 40 метри. Токму неговите јајца служат како столици, крилата му за површината на барот, а вратот е делител на просторијата. Автор на проектот е младиот француски сликар Жан Џулиен. Специјалната музика, на која се радуваат гостите во барот, пак, е дело на неговиот брат - Николас.
Барот Le Nid беше отворен неодамна, но посетители не недостасуваат. Масите се резервирани за недели однапред, а на него се разбира, најмногу се радуваат децата.