Италијанското семејство Мелис од о.Сардинија е најстарото во светот, бидејќи општата возраст на деветте браќа и сестри надминува 818 години, од кои најголема сестра има 105 години - рекорд потврден од Гинисовата книга, соопшти италијански печат...

Според локалниот весник "Унионе Сарда" по 5-годишно истражување на пет континенти Гинисовата книга потврди дека семејство Мелис го држи светскиот рекорд за долговечност. На 1 јуни 2012 година деветте живи браќа и сестри биле на заедничка возраст од 818 години и 205 дена.

Најстарата сестра Консолата, која утре ќе наполни 105 години, има 9 деца, 24 внуци, 25 правнуци и тројца пра-правнуци.
Втората сестра Клаудија има 99 години, таа е во добра здравствена состојба и вчера била видена како стои во првите редови на верниците за време на литургија во црквата.

Третата е Марија која има 97 години и неодамна имала проблеми со здравјето. Следат Антонио (93), Кончета (91), Адолф (89), кој уште работи во својот бар, Виталио (86) и Виталиа (81), а "најмладата" Мафалда има "само" 78 години.

Сардинија е на прво место во Италија за долговечност на своите жители - столетниците таму се 22 на 100 000 жители, додека за остатокот од земјата тој показател е 8 на 100 000 лица.