Британски научник создаде сложена математичка формула според која дојде до заклучок дека кратките, но чести одмори ни овозможуваат да се одмориме најдобро...

((N (d)μ(d)-40) (r))/(σ(b) ((C (d)-μ(d)) N (d)-41/40 c)) (41c. a)/[40]^2 е математичката формула која го одредува идеалното времетраење на одморот, кое овозможува да се вратиме во канцеларија во најдобра форма. Таа е дело на британскиот научник Дејвид Луис, кој ја создал по барање на хотелскиот синџир Holliday Inn.

Психологот од универзитетот во Сасекс за весникот "Дејли Меил" објаснил дека заминувањето за долго време ги задолжува вработените да однапред да планираат отсуство и да завршат голем дел од важната работа, пред да тргнат. Тоа создава тензии, што тешко може да исчезнат за време на одморот. Истражувањето покажува исто така дека луѓето често го злоупотребуваат одморот. Иако тој треба да им овозможи да се вратат во полна форма на работа "прекумерното сонце, премногу храна и премногу алкохол" можат да имаат спротивен ефект.

Така Луис дошол до заклучок дека "колку подолги се одморите, толку ризикот за здравјето е поголем". Но, тоа воопшто не значи дека треба целосно да се откажеме од одморот. Најдобро решение е да отсуствуваме за пократко време, но почесто и ако е можно да не се оддалечуваме премногу за да го избегнеме падот на формата при враќањето на работното место.