Послужувањето храна на голо тело веќе долго време се практикува во Јапонија, а Американците се шокирани со ваквата понуда на еден ресторан во Мајами...

На кого му треба чинија кога можете да јадете од голо машко или женско тело? Така размислува сопственикот на еден ресторан во Мајами. Таму суши не се јаде од чинија, туку од сосема голо тело.

Очекувано, таквата услуга воопшто не е евтина, па за еден ваков оброк ќе платите околу 500 долари. На голите тела се служат суши и сашими во големи количини, распоредени на стратешки важните места. Храна има доволно за да се најадат 15 гладни луѓе.

“Ваквиот начин на јадење го практикуваат групи луѓе, најчесто станува збор за различни прослави како родендени, момински или ергенски забави. Потребно е претходно да се резервира вечерата. Често имаме и гости кои се расоблекуваат и легнуваат на масата”, вели сопственикот на ресторанот, Натан Либерман.

Интересно е што голите модели на кои се послужува храна се дел од персоналот на ресторанот, тие за оваа услуга добиваат и плус пари. “Имам среќа што моите вработени се згодни, па не морав да барам модели”, заклучил сопственикот на ресторанот.