Како во познатата комедија од крајот на 80-тите, во породилното во Палермо, откако се породила една сицилијанка, бебето дошле да го видат дури тројца татковци и секој од нив бил убеден дека детето е токму негово...

Тројцата мажи, кои дошле во една болница во Палермо со желба да го видат "своето" штотуку родено бебе од млада сицилијка, предизвикале узбуна во одделението за мајчинство. Според пишувањата на италијанските медиуми, сите тројца биле во љубовна врска со мајката и секој бил убеден дека е татко на детето. Тројцата мажи биле многу вознемирени и никој од нив не сакал да си замине се додека мајката не каже чие е детето.

Со помош на болничкиот персонал, мајката го "вперила прстот", во едниот кој кон другите двајца покажал само широка насмевка, а тие му возвратиле: "Е ќе видиме кој е таткото".

Мајката со бебето, и веројатно вистинскиот татко, ја напуштила болницата неколку часа по инцидентот.