Станот во Њујорк, во кој живеел Френк Синатра, е ставен на продажба...

Живеалиштето, кое се наоѓа на улица Ист 72 и е посетуван од претседателот Џон Кенеди, Мерлин Монро и Енди Ворхол, неодамна било модернизирано а продавачите го опишуваат како "сјајна пештера во небото".

"Станот беше модернизиран, но тој продолжува да биде наменет за човек кој сака да се забавува, да поканува гости, да прави вечерни забави", изјавил брокерот на недвижности Џејсон Хабор за весникот "New York Post".

Живеалиштето кое има четири спални и шест бањи се продава за 7,7 милиони долари.
Синатра гo зачувал станот до 1972 година, а во тоа време се оженил и развел со Миа Фароу. Потоа тој го продал на неговиот лекар Дентон Кокс, кој ги лекувал уште Енди Ворхол, Џуди Гарлад и Џон Стајнбек.