Баш како и жените и мажите имаат омилен модел на костими за капење. Иако и машките трендови брзо се менуваат и речиси секоја година носат некои новитети, навиките остануваат исти и мажите многу потешко се одлучуваат отколку жените...

Боксерки
Класичните боксерки, како што тврдат сопствениците на најпознатите брендови на костими за капење за мажи, опишуваат маж кој е подготвен за врска и не се плаши од обврските кои ги носи. Таквиот модел на купачи ги обожуваат малку конзервативните и традиционални мажи.

Долги, сурферски панталони
Сурферските панталони станаа доста популарни, а можат да се носат и во теретана. Тие опишуваат опуштен тип на машко кој сака екстремен начин на забава. Иако изгледаа малку шашаво, сопствениците на овие панталони за капење се вистински фраери, свесни за своите предности и многу добро знаат како се заведува.

Бермуди
Бермудите до колена се најомилениот модел на машки панталони за капење. Тие опишуваат маж кој сака да биде опуштен, добро да се чувствува во своја кожа и да не се оптеретува со ситници. Но, мажите кои носат бермуди во јаки бои или со изразени дезени, сакаат да бидат во центарот на вниманието и немаат проблем да ги изразат своите чувства.

Тесни боксерки
Минијаурни тесни боксерки носат момците кои имаат доста високо мислење за себе и своето тело, но и оние кои се склони кон претерување. Со вакво парче за плажа треба да се биде доста внимателен затоа што тенка е границата меѓу високата самодоверва и нарцисоидноста. Исто така, ретко на кој маж му прилегаат совршено.

Слип гаќи
Слип гаќите го одбележаа минатото, но за ова ретко парче сеуште има место под модното небо. Освен пливачите и ватерполистите, најчесто ги носат и самоуверени, сигурни и прилично оптимистични мажи ко сакаат да ја истакнат својата машкост. Но, мораме да признаеме дека сепак сме малку воздржани кога е овој модел во прашање затоа што понекогаш откриваат повеќе отколку што треба.