Работата на италијанскиот дизајнер Roberto Cavalli се поврзува со елеганцијата и луксузот, a вотката, која модната марка ја пласира на пазарот, нема да отстапува од ништо...

Дизајнерот изненадува со уникатната вотка, која во текот на годините ја споделил само со роднини и пријатели. Сега Cavalli пласира на пазарот ограничена серија "Cavalli Vodka", која ќе биде продавана од "The Water Company" по повод 40-годишнината на компанијата.

Елегантното шише, кое има "животински принт", завиткано во златна змија, е инспирирано од "секси" и заводлива жена. А во внатрешноста се наоѓа италијанска водка, произведена според традицијата и искуството на најдобрите дестилатори.

Вотката се продава во формат од 1,5 литри за 57 евра, од 3 литри за 270 евра и од 6 литри за 439 евра.