Фејсбук соопшти дека над 83 милиони профили на социјалната мрежа се лажни...

Според податоците на компанијата, објавени оваа недела, 8,7% од 955-те милиони активни корисници може да не се вистински.

Од лажните профили 4,8% се дупликати, а 1,5% од корисниците се дефинирани како "несакани". Вкупно според податоците на компанијата 83,09 милиони корисници се лажни, а тие се поделени во три групи.

Најголемата група на "фалсификати" се дупликатите. Следни се "некоректно класифицираните корисници" каде "корисниците создаваат лажни профили на фирма или организација".

На крајот доаѓаат "несаканите" корисници - профили за кои се смета дека ги прекршуваат правилата на фејсбук. Обично станува збор за профили кои се користат за испраќање на спам или друга содржина.