Одлично овошно освежување!

Свежото овошје е совршен додаток на сладоледот, кој со малку труд лесно и брзо можете да го приготвите дома.

Ако сте љубител на праски и цимет, пробајте да направите сладолед кој ќе биде идеален десерт за летните вечери со друштвото, бидејќи содржи и малку вотка.

Вотката ќе спречи праските да бидат тврди и замрзнати, а околу нив во устaта ќе ви се топи сладоледот со цимет.

Состојки:

1,5 шолја млеко

2 лажици шеќер во прав

малку сол

1 шолја слатка павлака

1 стапче цимет

5 жолчки

2 големи праски, измиени, исчистени и исечени на половина

2 големи лажици мед

2 големи лажици вотка

Подготовка на праските:

Во мала тава на средна температура испржете ги праските со медот и 1/4 од шеќерот. Гответе околу пет минути, се додека праските не пуштат сок. Покријте ги и оставете да се изладат.

Подготовка на сладоледот:

Во сад измешајте ¼ од шеќерот со жолчките, мешајте додека смесата не се изедначи. Најлесно ќе ви биде со миксер. Садот оставете го на страна и продолжете со другиот дел од подготовките.

Во загреана тава на средна температура стоплете го млекото, преостанатиот шеќер, солта, слатката павлака и циметот. Мешајте околу пет минути додека шеќерот не се растопи.

Од тавата одвојте една чаша од загреаната смеса и полека прелијте ги жолчките и промешајте, потоа целата смеса вратете ја во преостанатото млеко во тавата. Мешајте на тивок оган додека се заедно не се згусне.

Смесата прецедете ја во сад преку цедилка за да ги отстраните парчињата од цимет и жолчките, потоа мешајте уште десет минути, додека да се излади. Откако ќе ги измешате и праските и вотката, оставете да стои во замрзнувач во текот на ноќта.