Австралијанец на ова прашање добил одговор - "нашата заштеда!"...

Неименуван маж од Сиднеј го продал својот автомобил и добиените 15.000 долари ги наменил за конечна исплата на хипотеката и други сметки. Не сакал парите да ги стави во банка за толку краток период, па одлучил да ги сокрие дома. Бидејќи семејството ретко јадело печена храна одлучил да ги стави во рерна.

Неговата сопруга баш тој ден одлучила да испече пилешки крокети, па без да види ја вклучила рерната да се загрее. Замирисало чудно...Мажот го почувстувал чадот, ја отворил рерната и ги видел свежите пари како се печат. Жената не можела да престане да плаче, кога сфатила што направила. Тој сега ќе проба да врати барем дел од парите преку Резервната банка на Австралија, која за тешко оштетените пари враќа дел од оригиналната вредност.