За повеќето луѓе разводот не е нешто што се слави и одбележува...

Меѓутоа, луѓето ширум светот се почесто пронаоѓаат начини како да го одбележат крајот на својот брак. Од религиски ритуали слични на венчавката, па до некои чудни традиции, ова се најинтересните обичаи во светот.

Во храмот Мантокуџи во Јапонија посетителите можат да се ослободат од лошата карма после разводот така што ги пишуваат своите желби на хартија, а потоа ги фрлаат во ВЦ шољата и пуштаат вода. Храмот некогаш бил засолниште за жените кои бегале од лошите бракови.

Германскиот бискуп Маргот Каешман во 2000 година побара сите цркви да воведат религиска церемонија за оние кои поминуваат низ развод на бракот. Неговиот предлог беше „миса на жалење“, каде пријателите и семејството на брачната двојка се собираат и ги слушаат објаснувањата на парот зошто се одлучиле за развод.

Церемониите за развод на бракот во последните години станаа многу популарни, некои од нив се состојат од големи собири на кои присуствуваат семејството и пријателите, а други симболично ги фрлаат прстените во река.

Церемониите на развод во Јапонија чинат околу 690 долари, а вклучуваат вечера за сите присутни и симболично кршење на венчалните прстени со чекан.

Припадниците на народот Јинг, едно од етничките малцинства во Кина, мораат да потпишат сертификат за развод. Сертификатот не смее да се потпише во куќата во која живееле, а кога ќе  завршат со потпишувањето, пенкалото со кое го направиле тоа мораат да го фрлат, затоа што се смета дека носи лоша среќа.