Американката Кетрин Ванусто во периодот од 2008 до 2011 година го искористила тоа што работела како административна секретарка во училишниот округ па користејќи ја лозинката од колешката, наставничката Мери Ен Рајт дури 110 пати влегла во школксиот систем и на своите деца им ги менувала оценките...

Тоа продолжила да го прави дури и кога заминала да работи на друго работно место, па во училишниот систем влегувала преку домашниот компјутер. Освен што им ги поравала оценките на децата, Ванусто била оптужена и за читање на приватните пораки на дел од наставничките без нивна дозвола. Кога била откриена, Кетрин се бранела со тоа дека била љубопитна и дека и било досадно. Сега поради својата "досада" ќе биде соочена со шест различни тужби, за кои доколку биде оптужена ќе и следуваат 42 години казна затвор и 90.000 долари парична казна.

Што се однесува до нејзните деца, директорот на училиштето изјавил "Не е нивна вина, на нас е да бидеме со нив и да им пружаме подршка".