Ладна, вкусна, сочна...лубеницата е идеален летен десерт. Искористете ја сезоната и бидете креативни, за да има на што да се сеќавате кога ќе дојде зимата...
Научниците неодамна утврдија дека лубеницата, меѓу другото содржи и цитрулин. Таа состојка го опушта телото и крвните садови, па поради тоа лубеницата ја сместуваат во афродизијаците. Цитрулинот е наводно благотворен за жените, а се препорачува и јадење на семките. Со оглед на тоа дека лубеницата е составена од 92% вода, дамите кои се на диета моѓе слободно да се опуштат и да уживаат - таа е нискокалорична и богата со влакна. Поради ликопенот кој го содржи ја зголемува отпорноста на сончевите зраци.
Така, може да ја јадете и на плажа, покрај базен, но и навечер, во романтична атмосфера на некоја летна тераса. Послужете ја ладна, насечена и исчистена од семки, во длабока чинија. Ако пиете вино, лубеницата сервирајте ја со парчиња фета сирење.
