Со летувањето во Турција ќе ставите некој килограм повеќе, а ако се одлучите да одморате во Германија, можеби ќе ослабите, тврдат британски научници...

Плажите на европските летувалишта ги привлекуваат туристите од сите краеви на светот, но посетителите на Грција, Кипар и Турција можат да се здебелат во текот на летувањето. "Гоењето во текот на одморот најчесто е предизвикано од претерување во локалните специјалитети и алкохол, како и намаленоста во движење", пишува Daily mail.

Според зборовите на истражувачите, државите во кои ќе ја "дотерате" својата линија се Германија, Канада и Ирска, чија што понуда во целост се разликува од оние во кои можете да уживате при посета на медитеранските земји. Секој пети турист слабее во текот на одморот, а тоа најчесто им оди од рака на оние кои се определуваат слободните денови да ги поминат во рекреација.

За повеќе од половина туристи кои слабеат во текот на патувањето пресудно е пливањето и пешачењето, а на многумина им помага и здравата исхрана. Не е мал бројот на туристи кои сфаќаат дека не се задоволни со сопствената тежина дури кога ќе стигнат на плажа и ќе се споредат со останатите туристи.