Балконите се одлично засолниште за сите оние кои немаат прилика да уживаат во сопствен двор. Иако е можеби ограничен со бетонски ѕидови, а сонцето успева да го осветили само половина час во текот на денот, тоа не значи дека не можеме да го претвориме во своја мала оаза на мирот...

Боја
Ако штотуку сте се доселиле во нов стан или имате желба за некои промени во врска со уредувањето на станот, балконот е идеално место за создавање промени. Тој ќе "заживее" ако ѕидовите ги обоите во некои весели бои, а со земјени тонови може да се послужите ако сакате да создадете некоја "попридона" варијанта.

Мебел
Ако сте среќници кои имаат балкон со малку поголеми димензии, сигурно сте размислувале за мебел кој ќе бие мултипрактичен, а воедно и убав за очи. При купувањето на мебел фокусирајте се на водоотпорните материјали, а ако сакате додатно да заштедите, купувањето направете го кон крајот на летото кога паѓаат цените. Перничките во разни бои, мирисни свеќички и разиграните детали ќе направат средина во која сите со задволство би одморале. Доколку сте во можност на балконот може да ставите и завеси во боја или пак ролетни од бамбус со кои ќе се заштитите од љубопотините погледи.

Растенија
Не велиме дека на балконот мора да садите домати и пиперки, но малку зеленило нема да биде на одмет. Неколку кактуси кои не се тешки за одржување ќе го освежат сивилото, особено ако ги ставите во интересни саксии.