Добри и искрени пријателки е тешко да се најдат, еднаш кога ќе ги најдеме - треба да се потрудиме да ги задржиме во својот живот. Своите пријателки ги сакаме, но тоа не значи дека понекогаш не ни се "лизнува" по некоја лага со која ги заштитуваме од тоа да бидат повредени. Ви претставуваме неколку најчести лаги кои сме ги изговориле...

"Не си здебелена"
Не мораме да нагласуваме колку чуствителна тема е тежината за женскиот род, па затоа неколкуте килограми вишок на нашите пријателки сакаме да ги игнорираме. Другарката која ни го поставила тоа прашање, е свесна за својот проблем, а од нас сака да слушне некој утешен збор, па затоа зошто да не и го дадеме? "Не сум забележала" е совршен одговор за прашањето "Дали сум здебелена?"

"Не сум го слушнала телефонот"
Другарките често знаат да ни се јават во најнезгодните моменти - пример кога се враќаме дома со куп ќеси во раката или баш кога телото го мачкаме со крема. А понекогаш едноставно не сакаме да се јавиме затоа што гледаме некој интересен филм. Имајќи во предвид дека одржувањето на пријателството не е лесна задача, се трудиме да измислиме доволно добар изговор затоа што не сакаме да мислат дека не ги цениме доволно разговорите кои ги водиме со нив. Практично ова не е лага затоа што сме зафатени...со одморање.

"Ох, да, го преболев повторно"
Со оглед на тоа дека на пријателките им доверуваме речиси се во врска со нашите врски, знаеме дека ќе не осудуваат ако месеци после прекинот патиме за кретенот кој не е вреден за нас. Тогаш со време рутински ќе не прашаат дали сме добро, како се чувствуваме затоа што знаат дека уште одамна би требало да го заборавиме, но исто така знаат и дека не сме. Па така тоа прашање го поставуваат во надеж дека ќе не потикнат да тргнеме напред.

"Тој е идиот"
Да, вистина е. Понекогаш жените се виновни за неуспехот на врската, а понекогаш главни виновници се баш нашите пријателки. Веројатно си ја предупредила на лошото однесување, но не те послушала. Секако дека поради тоа ќе и укажеш на фактот дека нејзиниот бивши е тој кој губи. Но, дека е време да порасне ќе и кажеш кога ќе биде подготвена за тоа.