Не се само Македонците опседнати со нив, и луѓето на Блискиот Исток секојдневно се соживуваат со ликовите од најпопуларните турски серии...

Турските серии се виновни за зголемувањето на разводите и криминалот на Блискиот Исток, тврди телевизијата “Ал Арабија”, притоа алудирајќи на сериите „Ѓумуш“ и „Долина на волците“ кои моментално се многу популарни таму.

Според “Ал Арабија”, турските серии ја туркаат арапската младина кон насилство. Арапските жени, пак, очекуваат нивните мажи да бидат исто толку „романтични и модерни“ како ликовите од омилените серии, а кога очекувањата нема да се остварат тие бараат развод.

За очекувањата на жените на Блискиот Исток најголем модел е турскиот актер Киванч Татлитуг и неговиот лик во серијата „Ѓумуш“.

Маж од Јемен убил пет лица, инспириран од Полат, лик од серијата „Долина на волците“, а една жена побарала развод бидејќи нејзиниот маж не бил како ликовите од турските серии и не носел фармерки, тврди “Ал Арабија”.