Летото стаса, а куферите полека почнавме да ги полниме со работите потребни за нашиот одмор од соништата. Ова се неколку правила кон кои сите треба да се придржуваме доколку патуваме со јавен превоз...

Не се работи за забава
Некои луѓе најмногу од се, се радуваат на запознавањето на странци и "сприајтелување" со истите. Други пак тоа го мразат. Ако забележите дека вашиот "разговор" е монолог, откажете се од идеата дека ќе ја пронајдете најдобрата пријателка само ако се дружите. Сетете се само колку ви беше лошо кога непознатата бабичка во автобус ви ја раскажа својата, но и семејната историја на болеста.

Да се биде не повикан ДЈ во јавен превоз не е добра идеа
Никого не го загрижува ако ги преслушувате своите најдраги албуми преку мп3 плеер, но општо познато е дека јачината на звукот треба да биде толкава, така што нема да се слуша дури до луѓето на три седишта пред вас. Уште полоша работа е кога "случајно ги заборавите слушалките" па на сите присутни сакате да им покажете колку е јак звукот на вашиот мобилен. Не ја делат сите истата страст кон истата музика, затоа воздржете се од таквото однесување.

Не зјапајте во туѓото
Во ред, како прво - не е пристојно да зјапате некого од глава до пети цели 15 минути, а како друго - уште понепристојно е да читате од книгата или весникот на вашиот сопатник додека тој ја држи во раката. Ако веќе не можете да одолеете на "фрлањето око" потрудете се барем ништо да не искоментирате.

Без грижа, ќе стасате да излезете надвор
Немојте да скокате преку луѓето за само што побргу да излезете надвор. Имајте трпение и почекајте го својот ред, во прашање се само неколку минути разлика. Викање и псуење не доаѓаат во предвид.