Од друштвените мрежи имаме повеќе штета отколку корист, барем според истражувањето на британскиот универзитет Салфорд...

Од прилика полоивина од испитаните од вкупно 298 признале дека друштвените мрежи како Фејсбук и Твитер им го загорчуваат животот. Поточно, испитаниците заклучиле дека нивната самодоверба паѓа кога ги споредуваат своите постигнувања со оние на пријателите. Освен самодовербата, обожавателите на друштвените мрежи страдаат и од несоница затоа што 2/3 од нив изјавиле дека имаат проблеми со опуштањето и спиењето откако ќе поминат одредено време сурфајќи, а четвртина од нив изјавиле дека имаат проблеми со работата и љубовните врски поради конфликтите кои се случуваат онлајн.

Изгледа дека друштвените мрежи предизивкуваат зависност затоа што половина од испитаниците се чувствуваат загрижено или непријатно во случај на невозможен пристап до Фејсбук или е-маил. Ова истражување е спроведено на прилично мал примерок, но тоа не го оспорува фактот дека споредбата со нашите онлајн пријатели лошо влијае на нивото на самодоверба.