Превртувањето во кревет пред да заспиете го доживуваат речиси сите. Со оглед на тоа дека за лошиот сон моментално придонесуваат и високите температури како и стресниот начин на живот, важно е на ум да имате некои од следниве совети кои ќе ви помогнат побрзо да потонете во сон...

Во спалната соба се дозовлени само спиење и секс
Ако работите и гледате телевизија во соба всушност го тренирате своето тело да се држи будно и во таа просторија. Спалната соба би требало да биде оаза на мирот и место за одмор во кое ќе побегнете од лудостите на секојдневниот живот.

Праксата е важна
Одењето во кревет би требало да стане рутинска постапка - резервирајте минимално осум часа сон, а пред тоа завршете се што треба (припремање доручек, туширање, опуштање). Исто така, просотријата во која спиете мора да биде поладна од останатите, а идеална темепература за добар сон е 20-тина степени.

Внимавајте што јадете
90 минути пред да си легнете треба да избегнувате алкохол, цигари и вежбање, додека од кафето и јадењето треба да стоите настрана минимум 3 часа пред спиење.

Земете попладневен одмор
Попладневниот одмор ќе му обезбеди на телото доволно енергија да издржи цел ден и ќе ја спречи премореноста која би можела да предизивика испрекинат сон. Внимавајте на попладневната дремка да не биде подолга од 30 минути затоа што во спротивно ќе дојде до РЕМ фаза поради која ќе се чувствувате уште поуморни отколку пред да одморите.