Ако уживате во пиењето на турско кафе, сигурно се среќавате со огромни количини на талог кои остануваат во филџанот. Но, ако мислите дека секогаш треба да го фрлате, се лажете. Талогот од кафе може да го искоритите на неколку корисни начини...

Пилинг
Измешајте го талогот од кафето со мед за да направите пилинг кој може да го користите за тело и лице и кој на вашата кожа ќе и даде прекрасен сјај. Исто така, овој пилинг е одличен начин за ослободување од целулитот.

Маска за коса
Втријте го талогот во коренот пред да ставите шампон и оставете го да постои некое време пред да ја измиете косата со вода. Плавушите би требало да ја избегнуваат оваа маска, а останатите после третманот ќе имаат сјајна и еластична коса.

Ѓубриво
Талогот од кафе помешајте го со вода и како таков е одличен начин за потхранување на земјата на домашните цвеќиња.

Дезодоранс
Ставете го талогот во сад и поставете ја во делот на станот во кој сакате да се ослободите од некој непријатен мирис, како фрижидер или канта за отпадоци.

Средство за чистење
Ако садовите ви се многу нечисит, талогот од кафе ќе го реши проблемот. Втријте го на садот кој сакате да го исчистите, но внимавајте да не ја впие бојата. Исто така, ако сакате да му дадете сјај на дрвениот мебел, промешајте го талогот со вода, премачкајте и оставете да делува некое време а потоа избришете со чиста крпа.

Лек против каснување од инсекти
Втирјте го талогот на местото кое сакате да го заштитите од каснување затоа што инсектите ги одбива јакиот мирис на кафе.