Повеќето жени кои се незадоволни со својот изгледа за тоа ги обвинуваат другите жени, покажуваат резултатите од едно истражување...

Истражувањето за претставата која жените ја имаат за своето тело откри дека 59 проценти од припадничките на понежниот пол имаат лошо мислење за својот изглед.

За овој недостиг на самодоверба, 45 проценти од нив ги обвинуваат другите жени, кои со своите погледи им укажуваат на нивните недостатоци. Тие и самите се оптоваруваат со тоа што постојано се споредуваат со другите жени.

Истражувањето покажа дека 54 проценти од нив им завидуваат на своите пријателки и колешки поради изгледот.

Иако постојано ја загледуваат големината на облеката на жените во нивното окружување, жените сепак не тежнеат кон „манекенска линија“. На секоја осма испитаничка не и се допаѓа денешниот идеал за убавина кој го наметнува општеството, а тоа се премногу слабите девојки.

25 проценти од жените го доживуваат како прекор кога некој ќе им рече дека имаат тенок струк, а 42 проценти сметаат дека бројот 40 е идеална големина на женска облека.