Дојде мачето пред врата или - научниците отркија дека мажите всушност уживаат во извршување на домашните работи! "Мажите се чувствуваат виновни кога не се доволно вклучени во домашните активности", изјавиле истражувачите од Кембриџ каде е спроведено истражувањето...

Со други зборови, старите стереотипи веќе не важат. За да работата биде подобра, истражувањето е спроведено на голем примерок од 30 000 луѓе од 34 земји. "Спротивно на очекуваното, мажите, а не жените, имаа повеќе корист од нетрадиционалната поделба на улогите во извршување на домашните работи", изјавил еден од научниците.

Дошле до навистина неочекуван, револуциониерен заклучок. Наводно, дознале дека хетеросексуалните парови кои живеат заедно, подобро се согласуваат ако ги поделат домашните обврски. Исто така, научниците навеле дека мажите во помагањето околу домашните работи гледаат своја корист на долги патеки, но најверојатно нема сами да се сетат да превземаат нешто.

Секако, не е нов фактот дека мажите "сакаат" да ги извршуваат домашните обврски чисто од причина што после тоа се среќни, а среќни се затоа што со нив ќе биде среќна и нивната жена која нема да има поради што толку многу да им приговара!