Светот каков што го гледаме е всушност одраз на светот кој го имаме внатре во себе. Ако се сакаш себе си и свесна си за своите вредности, ќе те сакаат и другите. Луѓето секогаш се чувствуваат пријатно во друштво на самоуверени особи кои зрачат со позитивна енергија. Затоа обрни внимание на знаците на депресија и запрашај се, се сакаш ли самата себе...

Посакувана сум само ако другите ме посакуваат
Многу девојки се гледаат себе преку очите на другите луѓе, а уште полошо е тоа што се сметаат за привлечни само ако за тоа добиле потврда од мажите. Ако многу момчиња ги посакувале во својата прегратка, (читај кревет), ќе имаат подобро мислење за себе и обратно. Но, тоа секако не е правилен начин на размислување, туку важно е сама да ја одредиш својата вредност.

Несигурност
Сите ние понекогаш сме несигурни, но ако тоа поминува некоја граница на нормалата и ако често мислиме дека сме полоши од другите во секој поглед, по одредено време така ќе не гледаат и останатите. Таквото размислување е пречка на патот до успехот.

Комплекси
Лицето кое има комплекси, не се сака себе а своето мислење го проектира на другите објаснувајќи си себе си дека другите не ја сакаат. Бранејќи се од "негативно мислење", почнува да ги навредува тие особи за да се чувствува барем малку подобро, односно "ги лечи своите комплекси на други". Комплексите се многу погубни за самодовербата, а често водат и до депресија.