Ама за една секунда...

Таканаречената “престапна секунда” ќе биде додадена на светските астрономски часовници за да се одржи чекор со забавеното вртење на земјата. Така последната минута во последниот ден од јуни ќе трае 61 секунда.

Суперпрецизните атомски часовници се општа референтна точка по која светот ги мести своите часовници. Но, нивната прецизност, која е многу поконстантна од променливото движење на Земјата околу Сонцето, што ги одредува нашите денови и ноќи, прави други проблеми.

Во случај повремено да не работат прилагодувањата, часовниците би отишле напред и по многу години Сонцето би излегувало на пладне.

Престапните секунди имаат слична функција како дополнителниот ден во престапните години, со што се одржува календарот во склад со годишните времиња.

Меѓународната референтна служба за вртење на Земјата (IERS), со седиште во Париз, задолжена е за следење на разликата меѓу атомското и планетарното време и за издавање уредби за додавање престапни секунди.

„Сакаме двете времиња да ги усогласиме, а вртењето на Земјата не можеме да го прилагодуваме", велат од IERS.

Во последно време престапна секунда се додава на секои неколку години, поради забавувањето на земјиното вртење предизвикано од плимите, земјотресите и другите природни појави.