Сеозната на капење веќе започна, а многумина едвај чекаат да заминат на заслужениот годишен одмор. Иако повеќето останаа верни на своите костими за капење можеби е време да направите промена и да пронајдете нешто друго што најмногу ќе одговара на вашиот облик на тело...

Формна на круша
Градбата на тело со поизразени колкови и мали гради какви што има пејачката Ријана може да предизвикат главоболка при барањето на соодветен костим за капење. Но, денес речиси и да не постои костим чиј горен и долен дел не можат да се купат одвоено. На девојките со ваков тип на градба одлично им прилегаат ретро моделите, со подлабоки гаќи и горен дел со push up.

Спортска градба
Широк струк, мали гради и рамни колкови е спортски облик на тело какво што има Камерон Диаз, а најдобро прилегаат еднобојни, минималистички моедли во сите бои. Градникот во триаголник или банана форма и гаќи со тесни странични ленти се вистински избор за жените со ваква градба на телото.

Ситна градба
На ситната градба и прилегаат сите модели, со нагласок на класичните бикини со различни шари и дезени. Гаќите на врзување и градник во мини триаголници како и едноделен костим со длабоко деколте се совршен избор за одење на плажа.

Песочен часовник
Фигурата на песочен часовник со која може да се пофали Кели Брук сама по себе е многу заводлива, па така и костимот за капење на вакво заоблено тело ќе изгледа многу провокативно. Длабоки корпи, високи триаголници и затворено деколте во комбинација со плитки гаќи е непогрешлива комбинација.