Просечниот маж минува 10.585 часови во кафуле, 11 години пред телевизор, а во текот на животот ќе научи да зготви дури четири јадења...

Типичниот маж спие во просек со девет жени во текот на животот, а еден месец троши во барање на зафрлените чорапи. Господинот „Просечен“ е висок 178 сантиметри и тежок 80 килограми.

Најмногу пари троши на дизајнерска облека и на гаџети. Се чини дека модерните мажи чувствуваат грижа на совест поради својот мрзелив начин на живот, па велат „извини“ барем 1,9 милиони пати во текот на животот. 

Кога се во прашање физичките карактеристики мажите се за 30% посилни од жените, имаат за 4% повеќе мозочни клетки кои тежат приближно 100 грама повеќе, а имаат и подобар вид на далечина и подобра перцепција за длабочина. Мажите, исто така, имаат и поголем капацитет на белите дробови и срцето од жените, а побрзи се и во трчање кратки патеки.

Просечната жена е висока 163 сантиметри и тешка 65 килограми. Жените имаат четири пати повеќе клетки кои ги поврзуваат левата и десната хемисфера на мозокот, што ги прави подобри во решавање проблеми и мултитаскинг. Жените, исто така, подобро гледаат навечер, имаат подобра визуелна меморија и се поиздржливи.