Речиси 100 години музејот Field во Чикаго во складиштето чувал египетска статуа стара помеѓу 1550 и 1050 години пред новата ера, која многу потсетува на кралот на поп музиката Michael Jackson. Штом податокот бил објавен во Sun-Times, толпа од обожаватели почнале да го посетуваат музејот и да прашуваат "каде ја чувате статуата на Michael Jackson".

Статуата претставува египетска жена, а веќе се појавиле теории дека самиот Jacko го посетил музејот и посакал да изгледа токму така. "Не знаеме дали Michael некогаш  бил во нашиот музеј, но факт е дека сличноста е неверојатна ", рекол претставник на музејот во Field.