Дека локалните власти озбилно ги сфатиле сведочењата, покажува фактот дека одлучиле да го наградат со милион долари оној кој ќе им донесе докази дека сирената постои и е видена во крајбрежното подрачје на Haifa. „Многу луѓе зборуваат дека се сигурни дека виделе морска сирена, а пред тоа никогаш во животот немаат сретнато, ниту видено такво нешто“ - изјавил гласноговорникот на Градското Собрание, Natti Zilberman.



Мистериозната „нимфа“ можела да се види само приквечер, привлекувајќи голем број туристи со фотоапарати и камери во рацете, со надеж дека ќе можат да ја овековечат. „Луѓето зборуваат дека изгледала како полу-девојка, полу-риба, која скокала од водата како делфин. Наводно изведува многу трикови и едноствно ќе ја снема во морето“ - изјавил Zilberman. Градското Собрание порекнува дека паричната награда е всушност туристички и медиумски трик, но признале дека сакаат да ги одржат овие сведочења како нешто што во иднина би можеле да привлечат повеќе туристи. Zilberman на крајот додал дека фаќањето на сирената не е нужно, доволно било само да се презентира автентична фотографија.