Со кликнување на овој наслов, веќе ќе паднете во рајот! Ќе ве запознаеме со островот Сокотра, што во превод значи "Благословениот остров" и е најуникатното место на земјата...

Сокотра е островска група во Индиски Океан, и припаѓа на Република Јемен. Од природно географска гледна точка островите припаѓаат на Африка.

Островската група Сокотра во Индискиот океан е збир на едни од најневообичаените организми во светот. Сокотра има меѓу 700 и 800 исклучително ретки видови на растенија и животни, од кои 1/3 се ендемични видови (видови кои не се среќаваат на ниедно друго место во светот).

Флората и фауната на истоимениот остров се единствени во целиот свет. Повеќе од 70% од островот Сокотра е национален парк.

Сокотра има шуми од тамјанови дрвја. Ако наидете во таква шума ќе бидете опкружени со мали дрвjа - кратки и чворести.

Морскиот живот околу островот е уникатна мешавина на видови од Црвеното море, Индискиот Океан и западниот дел на Тихиот Океан.

Oд планот за развој на ОН, Сокотра избрал да го избегне масовниот туризам: нема луксузни одморалишта, наместо тоа има мали локални хотели и кампови. Oтплата за тоа се екотуристите: оние кои доаѓаат со желба да ги видат певливите птици на Сокотра, големата морска желка, чворестото дрво.

Иако островот е мал по големина, тој не може да биде разгледан без водич поради елементарна причина, затоа што има само неколку регуларни патишта, малку патни знаци и нема никакви карти.